Ontwrigtende reen word vandag oor dele van Gauteng verwag.

VAALDRIEHOEK - Ontwrigtende reën word vandag oor dele van Gauteng, Mpumalanga, Limpopo en die Oos-Kaap verwag, met ‘n moontlikheid van donderstorms in dele van Gauteng, sowel as Noordwes. Die weerdiens het ‘n geelvlak-2 waarskuwing vir dié gebiede uitgereik. Inwoners word gewaarsku om nie riviere in vloed oor te steek nie, en motoriste word gemaan om waaksaam te wees. Die Johannesburgse Padagentskap het intussen sy Vloedgereedheidsplan geaktiveer in reaksie op erge weerwaarskuwings vir Johannesburg. Zweli Nyati, waarnemende uitvoerende hoof, beklemtoon dat die doelwit is om ontwrigtings gedurende hierdie reënerige tydperk te verminder. Die Suid-Afrikaanse Weerdiens het waarskuwings uitgereik oor moontlike oorstromings in verskeie dele van die stad. In 'n onderhoud met eNCA het Nyati beklemtoon dat die plan ontwerp is om gevalle van oorstromings in spesifieke gebiede te versag.