Padverkeersbestuurskorporasie raai partytjiegangers aan om hul eie veiligheid voorop te stel

VAALDRIEHOEK - Die Padverkeersbestuurskorporasie waarsku mense wat jaareindpartytjies en stokvel-vieringe in die land gaan bywoon om dit verantwoordelik te doen en weg te bly van paaie. Partytjiegangers word aangeraai om hul eie veiligheid voorop te stel en nie in openbare gebiede te loop of te bestuur terwyl hulle onder die invloed van drank is nie. Die woordvoerder, Simon Zwane, sê wetstoepassingsoperasies word regoor die land ingestel om dronkbestuur, roekelose en nalatige bestuur sowel as voetgangerveiligheid te monitor.