Sadou vra bykomende opleiding vir onderwysers na kommerwekkende graad 4-leesstatistiek

VAALDRIEHOEK - Die onderwysersvakbond Sadou is diep ontsteld oor die onlangse statistieke wat onthul dat 81% van graad 4-leerlinge nie met begrip kan lees nie. Die hoofsekretaris, Mugwena Maluleke, beklemtoon die behoefte aan bykomende opleiding om onderwysers met doeltreffende onderrigmetodes toe te rus. Hy glo belegging in onderwysers-opleiding sal ‘n deurslaggewende rol speel in die verbetering van die gehalte van onderwys en die uitdagings om met begrip te lees waarmee Suid-Afrikaanse leerders te kampe het.

‘n DA-parlementslid, Bax Nodada, het intussen ook kommer uitgespreek oor die leeskrisis in Suid-Afrika. Die jongste verslae van die studie oor die Vordering in Internasionale Leesgeletterdheid toon 56% van leerders in graad 6 in Suid-Afrika kan nie met begrip lees wanneer hulle op die graad 4 Vordering in Internasionale Leesgeletterdheids-evaluering getoets word nie. Hy sê dit is kommerwekkend dat slegs een uit elke vyf graad 4-leerders met begrip kan lees.

FOTO: (Verskaf)