VAALDRIEHOEK - Die VF Plus sê hy het die munisipale bestuurder van die Emfuleni-plaaslike munisipaliteit, April Ntuli, dringend versoek om die sperdatum vir die sluiting van die waardasierol te verleng omdat die munisipaliteit tegniese probleme ondervind en onbereikbaar is. Die party se Gerda Senekal sê luidens ‘n Luidens ʼn amptelike kennisgewing van die Emfuleni-munisipaliteit is die aanvullende waardasierol en dokumente waar beswaar aangeteken kan word beskikbaar op die munisipaliteit se amptelike webtuiste. Die skakel was vir ʼn geruime tyd buite werking en inwoners kon eers Dinsdag toegang tot inligting kry. Die telefoonnommers om die munisipaliteit vir meer inligting te skakel is ook steeds buite werking. Senekal sê die waardasierol is tans vir besigtiging vanaf 14 Augustus tot 29 September beskikbaar by die Vanderbijlpark-munisipale kantoor, die Vereenigingsaal, Masoheng Sebokeng-kantore, Mafatsane Evaton-kantoor, Rus-Ter-Vaal-kantoor, Sharpeville-biblioteek en Bophelong-biblioteek. Die VF Plus sal druk op die munisipale bestuurder plaas om die sperdatum te verleng en tegniese probleme op te los sodat inwoners die geleentheid gegun word om die waardasierol deeglik na te gaan.
FOTO: (Verskaf)
Comments