Cert-SA reageer op ‘n noodlottige ongeluk op die Brageweg in Vanderbijlpark.

VANDERBIJLPARK - Cert-SA sê in 'n verklaring hul Vaal-bemanningslede het Sondagoggend omstreeks 05:30 gereageer op 'n oproep vir 'n motorvoertuig-botsing op die R42, Barageweg, Vanderbijlpark. Met hul aankoms het die bemanning ‘n voertuig gevind wat gerol het. Volgens Cert-SA was drie pasiënte steeds in die voertuig vasgekeer, en vier pasiënte is uit die voertuig geslinger.Vier van die pasiënte het matige beserings opgedoen en is op die toneel gestabiliseer voordat hulle na nabygeleë fasiliteite deur ER24 en Gautengse Mediese Nooddienste vervoer is. Drie pasiënte het ongelukkig beswyk weens die omvang van hul beserings en is op die toneel dood verklaar.Besonderhede rondom die ongeluk is steeds onbekend. Cert-SA het ER24 en die Gautengse mediese nooddienste bedank vir hul bystand op die toneel.