DA in Gauteng verwelkom voorstel dat Sedibeng-burgemeester geskors word

SEDIBENG - Die DA in Gauteng het die raad se voorstel verwelkom dat die LUR vir Samewerkende regering en Tradisionele Sake, Jacob Mamabolo, versoek word om die Sedibeng-burgemeester, Lerato Maloka, te skors. Dit is hangende ʼn volledige ondersoek na bewerings teen haar. Maloka en verskeie amptenare word daarvan beskuldig dat hulle meer as R500,000 vermors het op ’n reis na Duitsland. Haar omstrede hantering van die amptelike burgemeester-voertuig, wat beskadig is toe suiker in die enjin gevind is, het ook deel gevorm van die debat.