Deeltydse indiensneming groei vinniger as voltydse werksgeleenthede.

VAALDRIEHOEK - Die formele nie-landbousektor het in die tweede kwartaal van vanjaar 39,000 werksgeleenthede toegevoeg, maar voltydse werkers het met 25,000 gedaal. Die jongste kwartaallikse indiensnemings-opname van Statistiek Suid-Afrika toon ‘n jaar-op-jaar-netto-toename van 104,000 werksgeleenthede, maar meer werkers het deeltyds gewerk. Werksgeleenthede is in die tweede kwartaal geskep in gemeenskapsdienste, sakedienste, mynbou en elektrisiteit. Nywerhede soos vervaardiging, vervoer, handel en die boubedryf het egter ‘n afname in werksgeleenthede ondervind.