Die Posbank het bekendgemaak dat Sassa-gouekaarte nie in Desember sal verval nie.

VAALDRIEHOEK - Die Posbank het bekendgemaak dat Sassa-gouekaarte nie in Desember sal verval nie. Dit bring verligting vir miljoene begunstigdes van toelaes wat kan voortgaan om hul toelaes veilig en betroubaar met hierdie kaarte te ontvang. Die bank bevestig sy eksklusiewe mandaat om die goue kaarte te vervang en verseker begunstigdes dat hierdie kaarte na Desember soos gewoonlik toegang sal bied tot maatskaplike toelaes. Die Posbank se woordvoerder, Bongani Diako, sê die verlenging van die kaarte se geldigheid verhoed dat begunstigdes verontrief word of uitgawes moet aangaan om na ander betaalmetodes oor te skakel.