Die tegniese probleme met SASSA-betalings is opgelos.

VAALDRIEHOEK - Die Suid-Afrikaanse Agentskap vir Maatskaplike Sekerheid sê ‘n tegniese probleem in die Posbank se betalingstelsel wat kort-kort voorgekom het, is opgelos. Die probleem het duisende pensioenarisse Dinsdag en Woensdagoggend sonder hulle toelaes gelaat. Die ontvangers kon nie by kleinhandelaars en kitsbanke toegang tot hul geld kry nie. Sassa se woordvoerder, Paseka Letsatsi het aan Newzroom Afrika gesê hulle vra die gewaardeerde klante verskoning vir die ongerief.