Die Vaaldam se vlak toon ‘n beduidende toename van 12.22%

VAALDRIEHOEK - Die Vaaldam het sedert Woensdag ‘n beduidende toename van ongeveer 12.22% getoon weens aanhoudende swaar reënval in die opvanggebied. Vanoggend staan die dam se kapasiteit op 71.9%, ‘n styging vanaf 63.34% wat Woensdag aangeteken is. Inwoners langs die Vaalrivier en die Vaaldam, moet voorbereid wees op stygende watervlakke namate die invloei stroomaf voortduur. Waterowerhede waarsku dat die Vaaldam in die komende dae verdere skerp stygings kan ervaar namate addisionele afloop die reservoir bereik. Alhoewel hierdie toename goed is vir waterberging, word inwoners aangemoedig om steeds water spaarsamig te gebruik namate Suid-Afrika sy droë wintermaande nader.