Drie aangekeer nadat hulle ‘n winkel in die Vaal Mall beroof

VANDERBIJLPARK - Fidelity ADT Vaal sê drie verdagtes is in hegtenis geneem nadat hulle vandeesweek 'n winkel in die Vaal Mall in Vanderbijlpark besteel het. Die sekuriteitsmaatskappy sê hulle het Woensdag inligting ontvang dat drie verdagtes in 'n winkel ingegaan en 'n onbekende bedrag kontant gesteel het. Die verdagtes se voertuig is deur die LPR-kameras by die ingang van die winkelsentrum opgespoor en Fidelity-sekuriteitsbeamptes by die Vaal Mall is in kennis gestel. Die maatskappy sê al die beamptes het vinnig reageer en die verdagtes is buite die winkelsentrum betrap en kon nie van die toneel vlug nie. Fidelity ADT Vaal het daarna die drie verdagtes aan die SAPD oorhandig.

FOTOS: (Fidelity ADT)