Inwoners van die Vaaldriehoek word gewaarsku oor Duitse masels in die George-omgewing

VAALDRIEHOEK - Inwoners van die Vaaldriehoek word gewaarsku om versigtig te wees wanneer hulle na die Wes-Kaap reis vir die Paasvakansie. Die Tuinroete-distriksmunisipaliteit sê gevalle van rubella of Duitse masels is in die George-omgewing aangeteken. Alhoewel dit gewoonlik 'n ligte siekte is by kinders en volwassenes, kán dit baie skadelik wees vir swanger vroue, omdat dit hul ongebore babas ook kan besmet. Die munisipaliteit se woordvoerder, Herman Pieters, sê rubella is 'n hoogsaansteeklike siekte wat gekenmerk word deur simptome soos koors en 'n uitslag.