Koffiepryse gaan bly styg

VAALDRIEHOEK - Die jongste inflasiedata toon dat koffiepryse in Suid-Afrika steeds styg. Kenners waarsku dat pryse sal aanhou styg as gevolg van aanbodbeperkings, insetkoste, valutaskommelings en wêreldhandelsoorloë. ‘n Nuwe verslag van die Voedsel- en Landbou-organisasie toon dat wêreldkoffiepryse in 2024 ‘n hoogtepunt bereik het, met ‘n styging van 38,8% vanaf die vorige jaar se gemiddelde. Business Tech berig dat verhogings waarskynlik tot in 2025 sal voortduur, met sommige koffieverskaffers wat reeds pryse met tot 30% verhoog het.