Konstitusionele Hof baan weg dat Mededingingskommissie Sasol vervolg

SASOLBURG - Die Mededingingskommissie het die groen lig gekry om Sasol te vervolg oor bewerings van buitensporige pryse vir aardgas. Dit volg nadat die Konstitusionele Hof Sasol se aansoek vir verlof tot appèl van die hand gewys het. Die saak handel oor bewerings dat Sasol byna ʼn dekade lank gaspryse gelaai het. Die kommissie se voorlopige bevindings dui daarop dat die chemiese en energiemaatskappy pryse met tot 72% opgestoot het. Sasol sê hy oorweeg die mees gepaste manier om voort te gaan.