Kontrakteur kanselleer Emfuleni se finansiële stelsel weens wanbetaling

VANDERBIJLPARK - Die Vryheidsfront Plus sê BCX Solar, die kontrakteur wat die Emfuleni Plaaslike Munisipaliteit se finansiële stelsel bestuur, het sy dienste gekanselleer weens wanbetaling. Hoewel Emfuleni die lisensiefooi van R3,6 miljoen betaal het, het hy versuim om vir stelselonderhoud te betaal. As gevolg hiervan is die finansiële stelsel af en blokkeer dit die uitreiking van klaringsertifikate, voorafbetaalde elektrisiteitsaankope en alle diensverbindings- of ontkoppelingsreëlings. Die Paul Krugerstraat-kliëntesentrum in Vanderbijlpark is ook op 30 Julie gesluit weens agterstallige huurgeld, maar is heropen na 'n gedeeltelike betaling. Rand Water het Emfuleni se aangehegde bankrekening tydelik vrygestel om betaling van uitstaande huur- en lisensiekoste moontlik te maak.