Skole is bekommerd oor onwettige spazawinkels in Sasolburg omgewing

SASOLBURG - Opvoeders en ouers het kommer uitgespreek oor onwettige spazawinkels wat naby skole in Sasolburg bedryf word. Hierdie winkels, indien ongereguleer, hou ’n direkte bedreiging vir leerders se veiligheid, welstand en akademiese prestasie in. Die DA in Metsimaholo sê dat hulle stappe sal neem om te keer dat onwettige spazawinkels naby skole bedryf word. Die party sê dit het ná ’n toesig met een van die skool se bestuur onder hul aandag gekom dat die skool sonder sukses ingryping van die munisipaliteit gesoek het. Die DA se Phemelo Tabile sê hierdie ongereguleerde besighede ondermyn nie net die nakoming van munisipale verordeninge nie, maar hulle hou ook ‘n ernstige risiko vir leerders in.