Suid-Afrikaners aangemoedig om organe en weefsel te skenk

VAALDRIEHOEK - Die Departement van Gesondheid moedig die publiek aan om organe en weefsel te skenk om iemand se lewe te red of lewensgehalte te verbeter. Na raming is meer as 2,500 mense op die aktiewe waglys vir ʼn orgaan- of weefselskenking, terwyl ander hul lewens verloor terwyl hulle wag. Die departement se woordvoerder, Foster Mohale, sê een skenker kan tot sewe lewens red.