Verbruikersinflasie styg in Oktober tot 5,9%.

VAALDRIEHOEK - Jaarlikse verbruikersinflasie het in Oktober vir ‘n derde opeenvolgende maand toegeneem, en grens aan die boonste perk van die Suid-Afrikaanse Reserwebank se inflasieteiken. Die koers was 5,9%, teenoor 5,4% in September. Die syfer is hoër as wat ekonome verwag het. Die konsensus onder ekonome voor die inflasiesyfer, was dat die Reserwebank rentekoerse dieselfde sal hou wanneer hy môre sy besluit aankondig.